一齊黎包粽啦喂

因為手腳慢由朝早預備材料到包好已經係夜晚 8 點幾 ,

同一時間用2 個煲都要分 2 次黎煲 ,

煲好都成 4 點先攪掂 ,

終於 46 隻粽煲好 ,

可以去訓覺喇 !



先將 2 塊粽葉打十字放

左邊向前搭向右邊按實

後面就係咁樣啦

放上一層拌勻既糯米綠豆

加入叉燒 ,咸蛋黃 ,腩肉

揉碎半粒瑤柱 ,放上蝦米

均勻放上一層糯米綠豆

再於兩邊 ( 打直位 ) 各加上一塊粽葉

先將右邊摺向左邊 ,要將餡料頭尾整好

再將左邊摺向右邊 ,輕輕握實

因為太多相 ,唔可以一篇出晒 ,所以要寫出黎 ,希望大家睇得明 .

1 .先將手指公一邊先摺向自己 ,再將另一邊向上摺 .
2 .咸水草放一邊用手指按實 ,先繞 3 個圈 ,每個圈都要拉緊 .
3 .將咸水草繞過另一邊再圈緊 ,與草頭連起打死結 .

因為唔夠腩肉 ,放左舊燒肉落去攪攪振 .

    睇下包好晒 ,可以拎去煲啦 !先煲滾半煲水將粽放入煲內 ,煲至返滾轉中 ,細火煲 3 小時 ,熄火焗半小時左右 ,其間要再預備熱水 ,用作補充煲內已蒸發去的水份 , ( 要在煲至 1 個半小時後 ,將底層粽與面層棕交換位置 ) 有白繩果幾個就係燒肉叉燒粽黎架啦 .