蔥油餅,洋蔥薯仔炆雞

今晚可以話係食得騎呢 ,

先黎個蔥油餅 ,

加個洋蔥薯仔炆雞 ,

再加一碟皮蛋拌酸薑 ,

夠晒騎呢啦掛 !

呢個蔥油餅亦係要多謝網友 "T&P" 分享食譜 ,

真係好正好好食 .

材料：

麵粉 3 杯 熱水半杯    水3/4 杯

蔥花一杯 鹽一茶匙 油 適量

做法：

先將熱水加入麵粉攪勻, 加入水 3/4 杯 ( 不要一次加哂 ) ,

將麵粉搓成柔軟光滑粉糰 ,醒發半小時 ,

將麵糰分成四份,將小麵糰輾開 ,灑上少許鹽 ,

塗上一層油灑上蔥花 .



將麵糰捲起成長條 ,再將長條打蛇餅 ,靜置十五分鐘

將蛇餅轆薄



燒紅平底鑊 ,用兩湯匙油將蔥油餅煎至兩面金黃即可 .