正 !正 !正 !榴槤雪糕

尋日要去街市買定材料包粽 ,

實在太多野要買於是就拉埋架私家車去運貨 ,

有架私家車幫手仲唔成機買多 d 生果 ,

不過淨係買左榴槤同山竹之後 ,

可能太耐冇食榴槤 ,

買左呢 2 樣生果就開心到唔記得買第二種生果 ,

跟住買齊包粽既材料就返歸喇 !

本來個榴槤起左肉之後就咁入盒放冰箱雪硬先食既 ,

但係又諗起有幾盒甜忌廉係冰箱 ,

一於用黎整榴槤雪糕啦喂 !

 金枕頭榴槤肉約 1000g ,甜忌廉 1L

先將榴槤去核起肉 .

用叉搓爛 .

忌廉打至杰身

加入榴槤肉 .

繼續打至硬身成軟雪糕狀 .

倒入保鮮盒放冰箱雪 1小時 ,

再用打蛋器打勻重覆做 4 次 ,

繼續放雪櫃雪至硬身即可

夜晚 10 幾去完街返黎食 ,

嘩 !

果然用新鮮榴槤肉整既雪糕係好食好多架 ,

啖啖都食到好香既榴槤肉 .

成盒滿既雪糕比我地食左大半盒啦 !