大家係咪好想知道我呢 2 日忙 d 乜呢 ~
呢個就係令我忙左 2 日既旅慶蛋糕 ,
同一大盒有 4 種味道既曲奇 4 重奏喇 !
因為尋晚 3 點幾先訓 ,
今日仲要出席慶典同係嘉年華會度幫手忙足一日 ,
所以而家好攰仲勁眼訓添 !
整呢個蛋糕有好多蝦碌野架 ,
大家睇下紫色果 d 用糖膏整既字牌 ,
原本已經痴得好實 ,
但係入左雪櫃之後居然有部份向下跣 ,
整番上去之後攪到 d 忌廉花晒 ,
到入盒個蛋糕又大得滯有一邊好貼個盒 ,
仲整甩左 3 塊字牌添 ,
要改大個盒先放到入去呀 .
一路出去都驚 d 字牌會再甩 ,
好在到切之前檢查都係跣左一塊咋 !
放係爐上面比大家睇下有幾大個 .
另外呢盒曲奇 4 重奏由左邊開始介紹
,
食譜遲少少同大家分享 .
伯爵茶曲奇 ,紅梅燕麥全麥曲奇 ,
桂花曲奇 ( 菜油 ) ,提子桂花曲奇 ( 牛油
)
沒有留言:
張貼留言