伴手禮 ~軟心朱古力 ( 已加食譜 )

   

呢款軟心朱古力係今日 blog 聚既伴手禮 ,

希望大家會鍾意啦 !

原本想整多樣野架 ,

不過實在唔夠時間整 ,

黎緊呢幾日要預備一個慶典既大蛋糕同小食 ,

因為好耐都冇整過大蛋糕 ,

而家有少少緊張同壓力添 ~

可能要攪掂晒先去到探大家 ,

不過我今晚都會出埋 blog 聚果篇架 !

材料 :

純朱古力 (70%) 300g   淡忌廉 90g   無鹽牛油 45g

可可粉適量

 ** 朱古力純度可按個人喜好 **

 而我自己就用左 2 種朱古力 .

先將朱古力 ,牛油分別座於熱水中至溶化 ,

牛油加入朱古力漿中拌勻

淡忌廉分次加入 ,

加入忌廉時要保持朱古力漿的溫度 ,

如溫度稍涼可再座於熱水中 ,

繼續加入其餘忌廉拌勻至順滑 .

倒入預先舖上保鮮紙或錫紙的容器中 ,

放涼或雪櫃待凝固 .

將凝固好的朱古力取出切成大小適中 ,

沾滿可可粉

即成入口即溶 ,

見到都流口水既軟心朱古力 .