蒸包包

本來今朝約左朋友去飲茶 ,

但係臨時取消左 ,

於是即刻走去煮叉燒餡 , 

煮好灘左一陣就放左入雪櫃雪下佢 ,

等包果陣好包 d ,

之後磅好晒材料 ,

搓好放入焗爐發酵 ,

忽然諗起老公鍾意食臘腸卷 ,

就係冰箱摷左 3條臘腸出黎蒸左先 . 

突然發生左意外 ,

因為係搓完個麵糰發酵果陣 ,

要用保鮮紙遮面 ,

隻手有油攪到卷保鮮紙個盒都有油 ,

洗好晒 d 用具之後 ,

咁我就用張洗完手用黎抹手既廚房紙順手抹下個保鮮紙盒 ,

點知就 " 領野 " 睇住右手隻食指係條界刀上界過 ,

當堂係咁標血 ,

唔理三七廿一即刻用手上抹緊野既紙禁住隻手指先 ,

再去揾膠布黏 ,

仲要打孖繞到隻手指頭變左紫色 ,

因為濕水換左幾次膠布 ,

一搣開又係咁標啦 !

 到夠鐘整包快快手整好 ,

可以去蒸啦 ,

整左 3 款蒸包

 叉燒包

我同小嘟最啱 key

臘腸卷

老公最 like

箭豬饅頭

大女最愛