用麵包機搓既中式包

原本今次整既蒸包係凍左都好鬆軟既 ,

一日都係自己衰懶惰 ,

尋日用左麵包機黎搓麵糰 ,

其實只係搓左唔係好耐 ,

但係 d 包包都係凍左就梗 ,

激氣 !

 而且 d 叉燒包又整得好樣衰 ,

有幾個仲流晒 d 汁 ,

睇見就嬲 ,

好在其他餡既包冇咁樣衰.

肉酸叉燒包~

臘腸卷~

三種型狀既奶皇包 :

 箭豬仔~

肥鴨仔~

 有隻條頸仲爆開左,

好似就跌咁呀.

怪魚~

 小嘟放學返黎 ,

我話 :

媽咪整左個蒸包係 " 波兒 " 問佢似唔似 ,

哈哈 ~~ 佢居然話似 ,

個樣仲笑得好可愛添 ,

佢真係易氹 ,

夜晚大女返黎話佢知我同細佬既對話 ,

跟住比佢睇 ,

佢話 :

似鬼 !

我即刻忍唔住笑 .