10小時麵包(中種)

今朝 7 點幾就開始搓呢個中種麵糰 ,

前後發酵左 10 小時,

整左 :

叉燒餐包 ,芝麻餐肉包 ,腸仔包 ,

有香草果 4 個係餐肉腸仔包 ,

其中 1 個仲有小小叉燒添架 ,

原本呢 4 個包係整椰絲卷既 ,

點知屋企得好小椰絲 ,

又唔想放返 d 餐肉同腸仔入雪櫃 ,

d 叉燒餡又包剩大半茶匙 ,

於是就將佢地放埋一齊啦 . 

今朝 8 點幾仲去牙醫道脫左隻智慧牙,

d 麻醉藥散左個口好酸痛 ,

左邊面扯住攪到成個人好 ,

晏晝食湯米粉都咬唔道就咁吞咋 ,

夜晚煲左皮蛋瘦肉粥 ,

老公就去買腸粉同油炸鬼 ,

為食既我係好鍾意用油炸鬼黎點粥食 ,

但係個口又開唔得大 ,

只有係咁吸住條油炸鬼黎食 ,

平時一啖過 ,

今日要分三啖 ,

又同老公兩份食左個叉燒餐包 ,

因為個口所以試唔到有乜特別 ,

真慘 !

 由搓好麵糰發酵包餡到可以入爐 ~~ 10 小時

焗好啦

   呢個就係有小小叉燒係入面既餐肉腸仔叉燒包啦 !

影完相比大女同小嘟攪惦左.