天然酵母鮮奶栗子包+擺烏龍浸米麴酵液



今日個包用左栗子蓉黎做餡 ,

咬落又香又好味 ,

簡直正到冇朋友呀 !

上次浸既蕃茄酵液第二日已經倒左 lu ~

終於都浸左米麴酵液黎做天酵喇 ,

31 號晚浸第二日朝己經有泡泡 ,

浸到 4 號晚加乳酪 ,

不過大頭蝦既我第二日夜晚開蓋先醒起唔記得加糖 ,

拿拿淋即刻補飛 ~

唉 !!!

人浸天酵我浸天酵成鬼日都錯漏百出 ,

真係死蠢黎架 !

尋日廚房 d 牆出晒水於是放左部抽濕機入去抽到天光 ,

就係咁個廚房成晚暖笠笠 ,

今朝見個蓋漲到谷起晒 ,

一開蓋 "卜 "一聲跟住好多泡不停向上升到滿瀉晒 ,

流到我一手都係酵液 .

果一刻左手拎住個樽右手拎住個蓋嚇到我手都震埋 ,

好在冇鬆手跌左樽酵液落地咋 !

睇吓

對番之前少左好多呀 ~

聽日可以試吓餵粉喇 !