瑤柱金華火腿蘿蔔糕

呢幾日都好忙咁係屋企蒸糕 ,

今年我總共要蒸 4 款糕 ,

因為媽咪呢排唔係幾舒服 ,

所以我就幫佢整埋 ,

其實媽咪一向都鍾意自己親手整既 ,

但係早排係屋企跌倒比部腳部按摩機撞親背脊 ,

再反彈撞到個頭 ,

好在送左去急症室照 X 光檢查同留院觀察之後話佢冇事 ,

不過個背脊仲係痛 ,

返到屋企佢自己再去睇跌打 ,

點知早幾日聽佢講話再去睇埋中醫 ,

食左兩 ,三劑中藥好左好多 ,

同佢傾電話佢把聲又真係精神左好多喎 ,

但係唔知係咪 d 中藥補得滯 ,

前日佢係屋企打電話比大細妹話頭暈兼手震 ,

因為佢住東涌而大細妹又未放工 ,

所以大細妹即刻打電話比小嘟 daddy ,

咁啱小嘟 daddy 又去左機場做野 ,

於是拿拿淋 call 白車兼趕過去 ,

d 醫護員一到即刻幫佢量血壓 ,

嘩 !

原來佢血壓升到 160 幾度呀 !

又要留院兩日觀察 ,

今日晏晝可以出院喇 !