百利甜酒芝士蛋糕

今年雅妍會一班靚太同佢地既小姐公子黎我屋企攪團年 ,

前日整定個百利甜酒芝士蛋糕黎招呼佢地 ,

呢個蛋糕真係好好味好軟滑 .

不過個蛋糕係放第二層芝士糊果陣 ,

因為天氣凍得滯而我又唔記得攪吓先倒 ,

倒果陣都唔為意有少少凝固 ,

到甩模果陣個蛋糕側邊中間走左成條坑出黎好鬼肉酸 ,

好彩我即刻用朱古力筆填左佢先冇咁肉酸咋 !