紫菜肉鬆胚芽瑞士卷

尋日 11 號係小嘟生日 ,

佢一早就落左 order 要我整肉鬆瑞士卷比佢做生日蛋糕 ,

點知當我打開個櫃想拎盒鮮奶黎整蛋糕果陣 , 

佢兩條友仔飲晒 d 鮮奶又唔話我聽 ,

加上又冇時間出去買 , 

我同佢講個蛋糕要今日先整到比佢 ,

好在佢都好易氹又冇嬲 ,

夜晚叫左 pizza 同佢慶祝 , 

佢不知食得幾開心添 ! 

呢個瑞士卷我仲加左胚芽架 , 

而個餡既抹醬就用左日本有個 BB 嘜頭既蛋黃醬 ,

影相前 daddy 襯我係廚房煮飯偷食左一件 , 

小嘟話 daddy 只係比佢咬得好細啖咋 !

佢都食唔到肉鬆就自己食晒成件喇 , 

到食飽飯我得閒影相 ,

小嘟問我話可唔可以同我兩份食一件 , 

佢真係好鬼底錫 . 

小嘟 ~ 

Daddy ,媽咪同家姐祝你生日快樂 , 

身體健康 ,學業進步 ,日日都開開心心呀 !