全麥黑芝麻曲奇之伴手禮 + 食譜

首先係道同各位講聲唔好意思 ,

因為呢 2 日太忙 ,

而家先得閒出埋另一款伴手禮 ,

其實呢個應該改名叫烏龍曲奇先啱 , 

點解 ?

因為我係聚會果日朝早先整既 ,

其實當時 8 點幾重係好早 ,

但係又以為唔夠時間 ,

好心急想快快手焗好批曲奇 ,

磅好晒材料後將牛油 ,糖 ,鹽 ,香油放左係大碗之後 ,

預備將發粉加入低筋粉道篩勻果陣 ,

好順手咁將 d 發粉倒左落碗牛油道 ,

死火點算呀 !

冇辨法唯有照打起 d 牛油 ,

打完牛油之後仲發瘟又即刻篩埋 d 粉落去 ,

跟住先見到隻蛋重係道 ,

唉 !

又係咁啦做乜我咁失暈架 !!!

整得唔好食既話希望佢地唔會介意啦 !

材料 :

無鹽牛油 ( 金桶 )    180g 糖 110g   鹽    半茶匙

低筋粉 200g    大蛋   1隻  泡打粉     半茶匙

全麥麵粉 60g   黑芝麻     4茶匙  香油   半茶匙

做法 :

1 .無鹽牛油室温放軟加入糖 ,鹽 ,香油打至乳白色 ,分次加入蛋液打勻 .

2 .篩入混合好的低筋粉 ,泡打粉 ,用刮刀以不規則方式拌勻成粉糰 .

3 .分成 15g 一份的粉糰 , 隨意整型後放上已舖牛油紙的焗盆上 ,以 160度焗20分鐘熄火 .待在爐中 10分鐘 ,取出放涼入密實盒保存 .