伯爵茶雪糕

上星期同小嘟去南豐 18 樓億世通買左部雪糕機 , 

掛住同個員工傾第二樣產品唔記得檢查部機 ,

比左錢之後小嘟又開心到不停咁問我野 ,

到山長水遠返到屋企先睇 ,

點知部機好難由個盒度抽出黎 ,

我同大女一人一邊大力拉左好耐先拉到出黎 ,

原來係兩邊夾住部機既發泡膠未放好就夾硬塞返入去 ,

心諗部機實有問題喇 !

開左一邊發泡膠就見到部機同枝攪拌棒係求其放入去既 ,

我一睇個蓋其中一邊用黎扣住機身既耳仔爛鬼左 !

我即刻打番電話去億世通 ,

好在等二日早去換 ,

因為佢地剩番一部係度 , 

如果賣左我就要等到有貨返先有得換架喇 ! 

前日試機整左伯爵茶雪糕 ,

用雪糕機真係方便過用打蛋器好多喎 !