近排天氣回暖又係整包包既好日子喇 !
第一款包係我既至愛 ,
每次整親都鍾意加 d 罌粟子係面 ,
究竟 d 罌粟子係咪會食上癮既呢 !
第二款 :
用左 mozzarella 芝士整既粟子芝士蟹柳包 ,
係大女同小嘟既至愛.
呢個蛋糕係大女尋日放學失驚無神打電話返黎問我 ,
佢話 d 同學想夾錢叫我幫佢地整個朱古力蛋糕 ,
送比一個今日生日既同學 ,
我話屋企除左蛋糕料之外冇生果喎 !
佢話唔使用生果都得喇 !
於是係疏於練習唧花既情形下幫佢整左個肉酸朱古力蛋糕 ,
最衰仲要唧到中間唔夠 cream ,
夾硬拎d 朱古力脆脆放落去填滿個位 ,
希望壽星仔唔會介意喇 !
所以我都叫左大女唔好收佢地錢架喇 !
沒有留言:
張貼留言