中秋節快樂

祝各位中秋節快樂
人月倆團圓

尋日朝開工整左芋蓉酥 ,

以前細個果陣過中秋 ,

媽咪都會去和記隆買類似呢款既潮州月餅過節 ,

記得剩係覺得佢又甜又冇芋頭味 ,

幾年前 ,

差唔多同一個廣式月餅重量咁大個都已經賣 45 蚊 ,

後來媽咪話買左都冇人食就冇再買喇 !

自從十幾年去台灣旅行食過果邊既竽蓉酥之後 ,

就深深比佢吸引住 ,

好在舊年終於比我學識左整 ,

之後就久不久整黎食 ,

最開心媽咪都讚好味 ,

呢個芋蓉酥真係越食越鍾意 ,

不過可惜枝麵棍上次去人地道整嘢留低左 ,

唯有用玻璃樽頂檔 ,

點知轆果陣 " 痴 " 樽攪到甩皮甩骨添 ! 

不過 ..........外表 " 苯 " 唔重要既 ,

好味就得喇 !