柴娃娃齊齊做口金 ~ 2

5 月 21 日

因為星期六大女同小嘟返開童軍既社區中心要裝修 ,

冇得返中心集會 ,

我同一班雅妍會既靚太就少左見面既機會 ,

不過呢日係屋企攪左個口金集會 ,

有幾位靚太同靚女黎左柴娃娃整口金 ,

可惜有幾位黎唔到 ,

真係走寶喇 !

睇吓佢地第二次既作品幾靚 ,

不過整黑色呢個位靚太係第一次整既 !

呢個仲差少少先完成

呢三位美少女一早黎掛住玩又唔整 ,

等人地預備要執檯開飯先黎話要整 ,

真係比佢地激 C 呀 !

好在佢地都幾快手畫好晒 d 布 .

   老公訂左盆菜返黎 ,

因為顧住整口金冇時間整食物招呼佢地 ,

不過我之前一晚都整定 2 個大芝士凍餅比佢地嘆 .

同場加影既 ~

小嘟玩咩玩到瞓晒地呢 !

其實係冇人生日架 ,

不過佢地幾個話要貪得意扮生日影番張喎 ~