醉雞翼 ,雞腳 ,鴨舌

大女話好想食鴨舌 ,

於是前日去凍肉舖買左鴨舌同雞腳 ,

 雞翼原本屋企有係度 ,

一於就用醉雞汁黎整啦 .

先預備冰水及冰粒 .

 材料 :

醉雞汁 2枝 ,花雕或玫瑰露酒 2湯匙 ,魚露 1湯匙

雞翼 ,雞腳 ,鴨舌 2磅

三樣材料放入已加水的鑊中煮至大滾 2 分鐘 ,

熄火浸 1 小時左右 ,

將冰水及冰粒放一大盆中 ,

取出雞翼 ,雞腳 ,鴨舌清洗乾淨隔乾水份 ,

加入冰水中浸透至冰涼 ,

再隔乾水.

將醉雞汁材料放入大密實袋中.

加人雞翼 ,雞腳 ,鴨舌封口 ,

平放於保鮮盒內放雪櫃,隔數小時將密實倒轉放 ,

 想好味 d 最好浸過夜會更加入味架.