洗塵 " 趴地 " 大餐

期待左好耐既日子終於都黎到喇 !

二家姐同三個姨甥仔女係 12 號夜晚十點幾由加拿大返黎 ,

今日係屋企攪左個洗塵 " 趴地 " 歡迎佢地 ,

陣容簡直強勁老嫩大少合共 19 人 ,

咁啱適逢大家姐舊歷生日( 佢黎到先至講 ) ,

好在我整左個足料百香果 mousse 蛋糕啫 ,

咁就順便同佢慶祝埋生日喇 !

因為係星期五先講得一日預備 ,

d 食物好簡單咋 !

而且大家姐同二家姐都係食齋既 .

不過自己屋企人食志在開心就得喇 .

開餐前大半個鐘叫佢食左個蛋糕先 ,

唔係一陣食到飽晒實食唔落蛋糕 ,

估唔到個足料百香果汁蛋糕佢地個個都話又香又好味 ,

有人仲食左兩件添喎 ~

雞絲粉皮 ,素雞絲粉皮

香菜炒意粉配忌廉磨菇汁

豉油皇炒麵 ,炒椰菜翠肉瓜

炸雜果沙律春卷 ,涼拌苦瓜

菠蘿腸仔 ,搾菜腎片

素蠔油鮮菇 ,醉雞腳 

鹵水雞翼

焗鵝肝釀鴨胸 ,酸甜齋 ( 買既 )

帶子刺身 ,三文魚刺身