北海道牛奶布甸 ~ 黑白配

自己真係好鬼大頭蝦 ,

尋晚先記得買左 2 盒 1 公升既北海道牛奶 ,

仲要係聽日 8 號到期添 ,

點飲得切呀 !

今朝拿拿聲用黎整布甸 ,

凝固左之後比左幾杯小嘟個女同學仔 ,

(佢住係我樓上 )

呢個布甸超簡單又好味 ,

大家有興趣都試下整呀 .

 食譜參考自網友 " 如月 "

 材料 :

 北海道牛奶 500ml     糖   50g     魚膠粉    6g

做法 :

1 .預先將盛載布甸的小樽以高溫消毒 .
2 .先將糖 ,魚膠粉拌勻 .
3 .牛奶放入小煲中用中小火煮熱 ,加入 ( 2 ) 快手攪勻 .

4 .待牛奶煲至小滾熄火 ,稍涼裝入小樽 ,放涼後放雪櫃雪至凝固 .

**如做朱古力味 ,將  10g 可可粉加入魚膠粉 ,糖中篩勻 .