苯蕉 !!!

個係前日 1 號去聚會之前幾小時整黎早餐既 ,

因為有 4 隻熟到冇人會食既香蕉 ,

唔拎黎整蛋糕就苯喇 !

唔講大家係唔會知呢個鬆餅出左乜樹 ,

就係.....................我唔記得左落糖囉 .

標題講既 " 苯蕉 " 其實係我自己先啱 ,

話說我呢個大頭蝦磅好晒 d 材料之後 ,

將佢地遮好放埋左一邊 ,

跟住去抹左個地先 ,

因為前日發現有不速之客( 小強 )係廚房出現 ,

好在己經比老公消滅左又噴晒剎蟲藥 .

不過都係驚驚 ,

我仲懶醒咁將碗糖放入透明玻璃蓋既電飯煲入面 ,

到整既時候完全唔記得拎番出黎 ,

蛋糕出爐又沖埋杯咖啡喇 ,

個電飯煲仲要放正係電水煲隔離架 !

居然發雞盲睇唔到 ,

到食果陣心諗呢個鬆餅既甜度雖然係小甜 ,

點解會小甜得咁緊要呢 ?

但係個甜度又啱啱好味喎 .

跟住包 d 伴手禮果陣係廚房騰黎騰去都仲未見到碗糖 ,

卒之去完聚會返黎一入廚房第一眼就見到 ,

先諗起整個鬆餅果陣係冇落到糖架 ,

係咪因為聚會緊張得滯定係遲鈍呢吓 ~

你地話我係咪 " 苯蕉 " 黎呀 !