臘味糯米飯

今晚凍凍地整番煲臘味糯米飯食先 ,

不過唔係炒係蒸既 !

先將糯米洗淨浸 3-4 個鐘隔去水份

將糯米倒入蒸盆內灑上瑤柱絲

中間開穴 ,大火蒸 1 小時至熟透將瑤柱拌勻

蒸糯米飯其間將所有材料切粒 ,

包括有臘腸 .潤腸 ( 先蒸熟 ) ,蝦米 ,冬菇 ,菜脯 ,蔥

( 唔記得買蔥即刻問鄰居借 ,好在有 )

在糯米飯蒸好之前 5 分鐘將材料爆香後加蔥

襯熱將蒸好既糯米飯倒入材料中 ,

加煲仔飯鼓油 ,適量生抽 ,麻油

快速拌勻之後再淋上麻油