黃金天使蛋糕 ( 附食譜 )

 

再一次介紹呢個 {{ 黃金天使蛋糕 }} 出場 ,

呢個蛋糕係我住係加拿大既二家姐

係  6 年前用長途電話教我整既 ,

亦係我第一個整既蛋糕 ,

當時真係一吃難忘 ,

到而家都深深咁愛上佢 ,

每次整呢個蛋糕都會掛住二家姐 .

係我身邊既親人同朋友應該都冇乜邊個未食過 ,

就因為係呢個蛋糕令我對烘焙產生興趣 ,

呢 6 年黎所整既麵包蛋糕同甜品都係上網或者睇書參考既 ,

最鍾意整呢個蛋糕 ,

佢外表同戚風蛋糕係冇分別 ,

但當你食落口就好有驚喜 ,

佢唔單止鬆軟仲好 juice架 ,

用保鮮盒裝好再放入雪櫃雪凍仲更加香滑好味 .

同大家分享呢個食譜 .

材料  :

份量以量杯計 ,

基本上份量係 1 對 1 用量杯量份量 .

大家唔好問我 1 杯即係幾多 g 呀 !

低筋粉   1杯    蛋白 (大蛋)  8隻     糖   6安士

蛋黃 (大蛋)   8隻     粟米油   4安士    發粉   1茶匙

清水   4安士   他他粉    1茶匙     鹽   1/8茶匙

蛋白先放乾淨冇油大盆中 .

低筋粉過篩加入其餘所有材料 ,

他他粉除外 .

先拌勻才開動打蛋器打至杰身 cream 狀冇粉粒.

蛋白加入他他粉.

     一定要用呢隻或者外國既他他粉 ,

用過台灣他他粉係整出黎個蛋糕會好濕架 !

當年為左買佢又唔知邊度有得賣 ,

揾左好耐行到腳都軟 ,

終於係 CitySuper 揾到 ,

果陣好貴都照買 ,

真係開心到癲左 ,

不過而家係大間既 Taste 都有得賣喇 !

打至硬身.

麵糊分三次加入小心輕手覆勻 ,

每次都要完全拌勻 ,

不可攪拌過度 .

輕手倒入焗盆中 ,

( 不可用膠挖刀挖平表面 ,否則焗好後表面會變形 )

用一隻手扶住焗盆頂部 ,

焗盆要貼住檯面 ,

輕輕上下搖動焗盆 ,

令蛋糕糊表面自然平滑及搖出多餘的氣泡 .

( 要以最快速度入爐 )

用 180 度焗 1 小時

出爐後即刻倒扣