綠茶紅豆蜂蜜蛋糕

呢個綠茶紅豆蜂蜜蛋糕一直都好想整黎食 ,

不過見到食譜要用牛油就唔係好敢整 ,

今日將牛油既份量改用粟米油 .

頭先小嘟個補習姐姐黎請左一個比佢食 ,

佢一路食一路話好香好好味 ,

小嘟補完習我仲比左幾個佢拎走添 ! 

粟米油   70g    糖   30g    蛋    1隻

低筋粉    115g    泡打粉    半茶匙    梳打粉    1/4茶匙

綠茶粉    5g    蜂蜜   2湯匙    低脂奶     3 湯匙

日式罐裝紅豆粒    100g

 做法 :

1 .所有粉類混合過篩 ,備用 .

2 .蜂蜜 ,糖 ,雞蛋用手動打蛋器打勻 ,加入鮮奶拌勻 .

3 .加入粟米油 ( 邊落邊攪 )攪至完全混合 .

4 .篩入粉類以膠刮拌勻 ,再加入紅豆粒輕輕拌勻 .

5 .用小匙將麵糊放入小號鬆餅杯至八分滿 .

6. 入已預熱 170 度的焗爐焗 15 - 18 分鐘至表面上色即可 .