柴娃娃齊齊做口金 ~ 3

今日終於完成左我既重要任務可以鬆一口氣喇 !

早前膽粗粗應成好朋友去佢囝囝學校既家教會做義務導師 ,

所以呢幾日好朋友同我就要預備所有材料 ,

而我就係三日裏面趕起 5 個兩片既口金用黎做版 ,

開頭都有 d 擔心驚多人會兼顧唔到 ,

好在成班家長超級犀利又快手 ,

不過有部份要趕返屋企煮中午飯再送返學校比小朋友食 ,

所以未能完成 ,

其他既大部份都完成晒 ,

佢地個個都好開心同好有滿足感添 .

中段校長落黎同大家打氣同影相 ,

我就送左份禮物比佢成機擦吓鞋 .

哈哈 !

原來有錦旗收架 ~

以下就係完成左既口金同佢地既主人喇 !