黑啤巨峰提子乾包

  

呢款包包係尋日整既 ,

因為整完冇時間影相 ,

我將佢放左入保鮮盒先 ,

要等到夜晚攪掂晒 d 野先得閒拎番出黎影相 ,

呢款包包實在太軟熟啦 ,

我都已經好小心咁擺 ,

但係都有少少扁左 ,

同埋我覺得個麵糰太黏手 ,

所以加左10g 高粉 ,

仲有呢個包我覺得甜少少仲好味 d .

於是又加左 5g 糖 .

早幾日係 Taste台灣食品專賣區買左樽巨峰葡萄乾 ,

一於拎黎整包包 ,

就咁食都幾正架 ,

酸酸地好有提子味 ,

小嘟見到咁大粒提子乾一路食一路偷笑添呀 !

材料 :

黑啤 120g    蛋汁    40g   依士   4g

牛油     30g    高筋粉 270g   黃糖   45g

提子乾    適量

做法 :

1 .將材料搓勻(提子乾除外) ,搓成光滑麵糰成薄模狀 ,加入提子乾搓勻 ,發酵 1 小時 .

2 .將麵糰排氣分割 ,鬆馳 15分鐘 ,整型後發酵 40分鐘至 2倍大 .

3 .掃上蛋汁以 180度焗 12分鐘 .

就係呢樽啦 .

隔離果粒係普通提子乾用黎做眼仔既 .

好鍾意呢個款

又係蟲仔

整左 9 個得呢 3 個最似樣其他都走晒樣 ,

不過焗起已經比佢兩姊弟每人食左一個啦 .

睇下幾樣衰