天使蛋糕

今日係老公叫牛一 ,

前幾日大女生日整左個黑森林 ,

今日就整個白天使 ,

一於黎個黑白配 ,

仲有今晚又係去左我地經常去蒲既葵芳食飯 ,

點左個家庭套餐都唔錯 ,

但係個待應好快拎走左個餐牌 ,

攪到唔記得 d 野食叫乜名添 .

個天使蛋糕食落係唔同普通蛋糕 ,

比較煙 un 好彈牙好得意架 !

材料 : 8 或 9 吋模

蛋白   9隻   低筋粉   105g   糖    125g

粟粉    20g    他他粉   1茶匙    鹽   1/8茶匙

做法 : 

1 .先將低筋粉 ,粟粉拌勻過篩 .

2 .蛋白加鹽 ,他他粉打至起泡 ,糖分 3 次加入打至企身 .

3 .將低筋粉分3-4次篩入蛋白中輕手覆勻 .(每次篩入粉都要覆勻才可篩入第二次粉)

4 .將蛋白糊倒入中空焗盆中 ,180度焗 30分鐘 .出爐後倒扣 .