低脂牛油曲奇

呢 d 曲奇係用 "銀寶"低脂牛油黎整既 ,

不過第一款卷得麻麻 ,

中間仲見到個窿窿添 .

 呢批曲奇都好多下架 !

但係已經係晒我同班一齊去宿營既朋友個肚道啦!

 朱古力曲奇食譜

材料 :

牛油  150g ,糖  60g ,低筋粉  225g ,鹽  1/8茶匙 ,

可可粉 1湯匙 ,   即溶咖啡粉 1湯匙 .

做法 :

1 .牛油室溫軟化加鹽 ,糖打至乳白色 ,篩入低筋粉輕手拌勻成光滑麵糰 .
2 .將麵糰分成. 4 份 ,先將 2 分白色麵糰各自整型成約半吋厚薄的正方或長方形 ,用保鮮紙包好放雪櫃泠藏 1小時 .(保鮮紙要預大)

3 .其餘  2 份白麵糰分別加入可可粉 ,咖啡粉輕手搓勻 ,以 (2)同樣方式放雪櫃.

4 .取出一份白麵糰及可可麵糰 ,用保鮮紙墊底及面 ,先將一份用桿麵棍桿成2-3分厚薄 ,再將第二份桿成大小相約後 ,兩份重疊在一起 ,再用桿麵棍輕輕桿成約 2-3分厚 .咖啡麵糰亦同樣做法 .
5 .用刀將桿薄的麵糰修改成長方形或正方形 ,拉起一邊的保鮮紙借力將麵糰捲成圓筒形 ,保鮮紙不用拿開原張包回放雪櫃冷藏 1小時 ,切除的部份留作整型成雲石曲奇 .
6 .預熱焗爐 170度焗10-15分鐘  .將麵糰取出切件 ,放焗盆上每塊之間要隔開 ,因曲奇會有稍微漲大 .

~ 朱古力曲奇~

雲石曲奇~

咖啡曲奇~