涼透心~西瓜盅

呢個西瓜其實已經買左係屋企成個禮拜架喇 !

點解會擺咁耐 ?

一來雪櫃冇位擺 ,

二來雪櫃仲有半個未食晒 ,

尋晚終於都可以清到空位出黎 .

今日去街市買埋涼粉開工 ,

呢度可以整 2 份既份量 .

雜果一罐 ( 大 ) ,涼粉一件 ( $6 ) ,超甜西瓜一個 .

睇下我畫到個西瓜花晒 ,

但係畫完又唔係切筆痕既位喎 !

個西瓜係咪好正呢 ?

仲勁多汁添呀 . .

將西瓜肉挖空 .

將挖得唔靚既西瓜肉打成汁 .

隔渣備用 .

罐頭雜果隔去糖水 ,

將糖水加入西瓜汁中混合 ,

其實係唔夠甜架 !

可以自己煮糖水放涼之後再加入西瓜汁中 ,

不過我冇加糖水 .

涼粉切粒大小隨意 .

將材料一半既份量放入大碗中拌勻 .

裝入西瓜碗中 .

再將混合好既西瓜汁放入 .

加蓋再用保鮮紙遮蓋頂部放入雪櫃 ,

雪至冰凍 .

剩番既一半放入雪櫃 ,

食完一盅就可以再整一盅啦 !