沙爹紛絲雜錦蝦煲

今日認真大出血呀 !

帶兩個細路去左荃灣買野 ,

最主要係買 T-shirt 比大女 ,

都買左好多件比佢 ,

小嘟見到就緊係呷醋啦 !

不過我一話買 2 件比佢 ,

佢先開心番咋 !

偷懶左幾日整番個煲仔菜先 ,

原本淨係整沙爹粉絲蝦煲既 ,

但係大女又話加埋 4 寶丸之類既野得唔得喎 ,

好啦 !

乜都加落去啦 !

實在太多餸多到睇唔到 d 粉絲添 ~

材料有 :

粉絲 ,基圍蝦 ,雞脾菇 ,秀珍菇 ,墨魚丸 ,花枝丸 ,

蟹柳丸 ,芝心丸 ,乾蔥頭 ,蒜頭 ,清水 .

調味料 :

馬來沙爹醬 ,花生醬 ,鹽適量 .