柚子牛油小蛋糕

各位我返黎喇 ~

好掛住大家呀 !

呢幾日過左個好開心既假期 .

出發前一日整左 2 款食物返中心比班靚太食 ,

一款係柚子牛油小蛋糕 ,

而另一款係曲奇 ,

先同大家分享小蛋糕既食譜先 . 

材料 :

低筋粉    100g      發粉     半茶匙

無鹽牛油    80g     糖     40g     大蛋    2隻

柚子醬     60g      鹽     少許

 做法 :

1 .低筋粉 ,發粉拌勻過篩 .用較剪將柚子肉剪碎備用 .

2 .牛油室温放軟加鹽 ,糖打至鬆發 ,蛋分次加入打勻 .

3 .加入柚子醬拌勻 ,再篩入低筋粉輕手拌勻 ,不可過份攪拌 .

4 .裝入中號蛋糕紙中 ,以 180 度焗 15 分鐘 .( 時間可因應蛋糕紙大小自行調較 ) .