百香果乳酪雪條

早幾日係冰箱除左摷到包鳳眼果之外 ,

仲摷到盒唔記得放左幾耐既百香果肉 ,

一於食得唔好嘥拎黎整雪條食消吓暑先咋 ~

我鍾意將 d 材料放入雪糕機打成雪芭再裝入雪條摸 ,

食果時方便好多架 .



先將雪糕機放冰格雪 24 小時 .

450g 百香果醬加 180g 糖細火煮 3 分鐘至糖溶 ,

( 想甜 d 可加至 250g 糖 )

放涼隔去籽加入 550g 低脂乳酪拌勻 .

從冰格最出雪糕機蓋上上半部配件後開機 ,

將百香果乳酪液倒入開動中的雪糕機內攪 20 分鐘 ,

將半凝固的百香果乳酪糊裝入雪條模中 ,

放冰格雪 4 小時以上至凝固 .

想唔想食番枝呢 ~