天然酵母七味沙律腸仔包,鳳眼果腐竹糖水

小嘟終於都考完試喇 !

不過仲有個小六 TSA 要考 ,

呢幾日係屋企同佢揾習真係比佢激到生蝦咁跳 ,

但係要揸住條頸唔發得火 ,

真係好想鍊瓜佢呀 ~

尋日用左新養既米麴天然酵母搓包 ,

個麵糰超濕攪到好難造型 ,

求求其整成一舊舊放入焗盆 ,

加條腸仔沙律醬同七味粉算數 ,

焗完出黎成個大 pizza 咁要用刀仔先分得開 .

因為幾日冇出街市所以要摷埋雪櫃 d 剩餘物資黎煮 ,

比我摷到包鳳眼果 ,

用左係樹記買既碎腐皮煲左呢個糖水 ,

飲完當堂降晒火喇 ~

上星期係阿信屋買左呢個 26cm 既韓國火鍋煲 ,

$ 65 蚊仲有 9 折 .

個煲好淺架咋 ,

不過都幾好用 .



整番個泡菜豆腐魚滑煲先 ,

4 個人食啱啱好 ~