天然酵母海鮮大pizza,香辣腸仔包

前日星期五老公放假話晚餐想食 pizza 同意粉 ,

飲完中午茶買完材料返黎搓定個麵糰 ,

簡簡單單用左菠蘿 ,蜆肉 ,蝦肉 ,五香肉丁同黑椒碎 ,

配埋千島醬批底



你話正唔正先 ~

尋日用米麴 b 搓定個麵糰低温發酵 ,

呢個 b 今日好乖兩個半鐘就入得爐喇 ,

係我擺緊位預備影相果陣 ,

已經比小嘟入黎廚房強搶左一個 ,

佢一路食住個包話媽咪包面放左咩呀 ?

好鬼辣不過辣得黎又幾正喎 !

我話係七味粉黎 ,

佢即刻話食多個得唔得呀 ?

我話你比我咬啖就得 .