天然酵母豆渣肉鬆包

唔知係唔係因為用左乳酪黎餵個蜜柑酵母既原因 ,

今次整呢豆渣包雖然都係食唔出有豆味 ,

但係就有一種好香既味 ,

唔係蜜柑味 ( 其實一直都唔覺有囉 ! )

頭先用完都加左一半乳酪餵個酵母,

果然好穩定仲一樣咁活躍添 .

而家係雪櫃都慢慢增長緊架 ,

下次可以用番水餵喇 !

個包既造型似唔似貝殼呢 ,

好鍾意呢個造 ,

而且我仲落左好多肉鬆添架 !

唔信 ~

睇吓.......

前日第二日餵個青梅酵種 ,

點知好似個米麴咁發左 5 個鐘都係得原本既一半高 ,

見咁都冇心情影低喇 !

因為經過上次既失敗 ,

我即刻上網揾資料 .

原來酵液太活躍都會令個酵種死架 !

尋日諗左好耐都唔敢餵粉 ,

 終於 ~

預左個酵種都係會失敗既心態 ,

將 1 份既酵液改成半份酵液半份水黎餵 ,

就算呢個種唔得都仲有半樽冇加到乳酪既酵液再由頭黎過啫 ,

好在效果雖然慢但係就快過第二日好多喇 !