17小時全麥包一 1 包 4 味



早排成日掛住整吐司 ,

比小嘟投訴話好耐都冇食過有餡既包 .

自從中秋過後又真係懶左好多 ,

前日晏晝 5 點的起心肝開機搓好個中種放雪櫃 ,

雪到今日 3 點幾先去整 ,

哈哈 !

個中種足足雪左 46 個鐘 .

搓好個麵糰等發酵隨即順手搓埋份老麵添 !

因為我都係鍾意用老麵整包多 D .

整左 4 款包

前兩款係蜜糖脆皮腸仔麥包同朱古力榛子醬麥包 ,

後邊兩款睇唔到餡既係沙律肉鬆麥包同芝士麥包 .

睇吓小嘟今次仲有冇得投訴 .