鮮果士多啤梨冰冰

呢個鮮果冰冰我覺得有益過食雪條 ,

唔知你地同唔同意呢 ?

我都有用其他水果黎咁樣整架 .

端午節返媽咪度食飯 ,

入親東涌實去 Taste 巡視一下業務 ,

係門口見個女人係度猛摷 ,

於是我又好八掛咁行埋去八下有乜正野買 ,

原來係士多啤梨做特價 $16.9 一盒 ,

我都唔執輸買左 3 盒 ,

一盒留低左比媽咪 .

 呢 2 盒我用左黎整 " 鮮果冰冰 "

以前整係切粒粒 ,

今次成粒用竹籤 " 桔 " 住靚好多 ,

睇下 2 盒士多啤梨令唔令 .

先將士多啤梨洗乾淨 ,

再用凍食水過一次 ,

用廚房紙抹乾水份 .

預備長竹籤 .

一分為三剪開 .

將頭部切去 .

" 桔 " 入竹籤如果中間係空心 ,

就要去到頂但不要 " 桔 " 穿 .

放入保鮮盒放冰格雪至硬身 .