混色棒棒棉花糖

呢幾日實在都好忙 !

自從整左呢個人見人愛既棉花糖熊仔 ,

小嘟就要我幫佢整返學開聖誕 party ,

今次將佢地個身同手混色 ,

出黎個效果我自己都好滿意 !

上星期六請左位靚太幫忙做助手教班小童軍 ,

落堂之後佢拎左 2 枝返屋企 ,

點知佢兩個仔仔都話學校聖誕 party 要整呢個 ,

比另一位靚太好朋友見到 ,

嘩 !

佢簡直一見鍾情又話要整 ,

尋日帶齊材料去靚太助手屋企開工喇喂 !

三個柴娃娃用左幾個鐘整左 90 幾枝 .

犀利冇 !