超芳醇亞麻籽全麥吐司



今日整左個超正既吐司 ,

有興趣就試吓整喇 .

有幾正 ???

我覺得同法式白吐司龐多米一樣咁正囉 !

不過呢個吐司水份極高用手係搓唔到架 !

食譜參考: 

湯種材料 :高筋麵粉    152g........熱水    122g
 
將90度熱水加入高筋粉攪拌均勻用保鮮紙蓋好 ,

待涼放入雪櫃雪一晚 .

個湯種好杰身所以我用手輕輕搓勻 ,

不過要小心因為個麵糰都幾燙手

主麵糰 :高筋粉麵   203g........速發酵母    2.5g   鹽    5g........三温糖     23........凍高鈣低脂奶    213g

全麥粉    25g........無鹽牛油     19........亞麻籽     25g

將主麵糰材料 (牛油 ,亞麻籽除外) 加湯種 (撕成小塊)打勻成麵糰

加入牛油 ,亞麻籽打至薄膜 ,

發酵 1小時(2.5-3倍大)翻面再發酵30分鐘 ,

分割鬆弛15分鐘 ,

先捲一次鬆弛10分鐘再捲一次入模 ,

發酵至9分滿 ,

發至8分滿時預熱焗爐160度焗15分鐘轉190度焗20分鐘 .