吞拿魚包,厚切午餐肉包

真係好耐冇整包喇 !

天寒地凍送左小嘟上校車就緊係鼠返上床瞓喇 !

瞓得晏左又唔願整喎 ! 

今日一家人去行花園街 ,

順便去朋友度揾佢同我砌盤蘭花 ,

不過佢太忙要聽日先有得拎 ,

今日實在太多人又迫 ,

真係比人迫到 C C 吓 ,

結果老公同大女頂唔順要揾間餐廳食下午茶抖吓,

我同小嘟就繼續行 ,

行過附近既麵包舖 ,

小嘟話想買包食 ,

我地兩個行左入去望完又走返出黎 ,

嘩 !

一個魚形包仔賣成 $ 6.5 咁鬼貴 ,

兩啖就冇左喇 !

我話去揾 daddy 食下午茶喇 ,

今晚返屋企自己整好過 !

於是乎我今晚拿拿聲開機搓好左個麵糰就跟手煮飯 ,

食飽時間啱啱好繼續整埋 d 包 ,

焗好都己經十點幾 ,

未焗之前大女同小嘟見我用紫菜整係包包上面又問係咩餡 ,

我話有吞拿魚包同厚切午餐肉包 ,

就即刻話好鍾意 d 包包 ,

小嘟仲話最鍾意係個 pooh pooh 喎 ,

真係比佢激 C 呀 !