豉汁素排骨

前晚煮左碟成十幾年冇煮過齋餸 ,

小嘟居然同大女爭食添 ,

呢碟餸係我食齋既大家姐係大女兩三歲時煮過比我地食 ,

之後我間中都會煮黎食既 ,

當時我地好鍾意食呢個餸 ,

連煲過湯既都會拎黎整 ,

究竟佢係咩黎 ?

佢就係豉汁炆粟米喇 !

呢碟明明係粟米黎架 !

乜解究會叫佢做排骨呢吓 ?

因為食佢好似排骨咁有骨落地囉 !

大家姐果時煮係用薑蓉煮 ,

不過我就改用蒜蓉 ,

煮法超簡單大家有興趣煮黎試吓呀 !

材料 :

如果用煲過湯既粟米 ,只須用小半碗清水 .粟米 3 - 4 條 ,

蒜蓉 ,豆豉各一湯匙 ,鹽少許 ,清水 4 份 3 碗 .

將粟米洗淨切成 4 - 5 段 ,再一開四切開 ,

燒熱油鑊放油 ,蒜蓉 ,豆豉爆香 ,加入粟米炒勻 ,

加入清水炆至水份收乾 ,再放少許鹽調味 .