開開心心食餐飯

  

時間過得真係快三個星期咁快就黎完喇 !

二家姐同三個仔女下星期一就要返加拿大 ,

呢兩日幾個細路仲成日話好唔捨得大家 ,

諗起我地又要等幾年先可以再見面 ,

其實我地都可以過去探佢地 ,

不過要等到兩個仔女同老公都有長假期先可以去得 ,

佢地聽晚就會搬晒 d 行李去東涌媽咪果邊住兩晚 ,

方便星期一去機場搭飛機 ,

所以今晚我煮在幾味小菜 ,

一齊開開心心食餐飯 .

青豆角燴素雞

玉子豆腐蒸水蛋

豉汁炒花甲

芝士焗青口

煙肉魚柳卷

原本冇咁少架 ,

未 " 淋汁上面 " 開飯之前比班友仔話試食 ,

食到淋汁果陣變左多汁過頭 .

外賣燒鵝同瘦叉燒

兩個細妹仲一個買壽司加料 ,

一個買雪糕做飯後甜品 .

仲有呢個飯後甜品 ~

西瓜涼粉椰果爆珠

可惜媽咪同細妹佢地趕住走食唔到呢碗咁正既甜品 .