維尼熊與小嘟有個約會

祝小嘟生日快樂 !

身體健康 !

尋日係小嘟既 9 歲生日 ,

老嘟亦一早比左封利是佢 ,

而今日亦係佢考試既最後一日 ,

本來 2 號已經整左狗仔蛋糕比佢就算數架啦 !

但係老嘟又話正日喎 !

點可以冇蛋糕切架 !

咁即係要我整啦 !

好在小嘟都好乖自己埋最後一科書 ,

咁我就快快手係廚房整左個佢最心愛既 A 貨維尼熊比佢 .

尋晚我整鹵水雞翼同叫左 pizza 返黎食 .

插臘蠋果陣 ,

小嘟話要插係頭頂 ,

但係老嘟話唔好要插 pat pat ,

跟住大女就話攪錯呀 ~

好似同佢探熱咁 .



有相為証架 !

佢每晚都會攬實呢 3 個寶貝一齊瞓 ,

佢地已經陪左小嘟 7 ,8 年喇 !

小嘟話要許番個願先 .