天然酵母雞肉鬆沙律包,芝士餐肉包

呢包雞肉鬆係舊年表哥係星加坡過黎探媽咪買比我既 ,

放左係櫃度放到差 d 唔記得左咁滯 ,

上次拎黎整包個個都話好味 ,

小嘟已經落 order 要我再整 .

點知自己發雞盲個焗爐較左 230 度 ,

盤包焗左一半時間見上色得咁快先發覺 ,

點算呢 ???

d 包又未熟唔拎得出黎喎 !

較番細火 150 度焗多幾分鐘好在都熟透 ,

不過個面就燶鬼晒囉 !

用天酵整包既 blog 友話包面 d 粒粒叫頭皮 ,

多頭皮即係個天酵夠活躍 ,

雖然唔好睇但係好味就得喇 !

都係另一盤芝士餐肉包吸引 d 係咪呢 !