清心丸綠豆羹

 前幾日係街市印尼店見到 d 又大粒又四正既清心丸 ,

心思思又想煲清心丸綠豆羹 ,

即刻買左半斤 ,

不過貴到死 $ 10 半斤 ,

呢間印尼店賣乜都貴過人 ,

都冇計啦鬼叫剩係得佢有得賣咩 !

煮熟之後係透明同煙煙 un un 架 !

材料 :

清心丸   半斤 去殼綠豆    1 量米杯 ( 約 160g )

冰糖   180g (甜度請因應個人喜好 )

清水    8碗     馬蹄粉    3湯匙

1 .先將綠豆清洗 ,浸 1 - 2 小時隔水備用 .
2 .將清水煮滾加入綠豆煮至開花 ,加入冰糖煮溶 ,試味 .
3 .用小量清水開溶馬蹄粉 ,慢慢加入煲中邊落邊攪至番滾起 .
4 .清心丸用水沖洗乾淨 ,加入煲中煮至透明即可 .