蘿蔔糕

大女呢日好乖幫我切完馬蹄又刨蘿蔔 ,

小嘟都好乖幫家姐扶住個盆 ,

佢兩個好合作仲好開心 ,

初時都好正經架 ,

大女仲越刨越快攪到小嘟開始笑 ,

跟住兩個一齊係道笑 ,

小嘟仲笑到機乎訓左落地 ,

我同佢地講 : 個刨好危險架正經 d 啦 !

果時個蘿蔔己經刨到佢第一隻手既位置 ,

話口未完就出事啦 !!!

聽到 " 哎喲 " 點解有血架 "

原來係大女刨到隻手指 ,

我叫佢快 d 洗完手貼膠布 ,

跟往我就刨埋其他 ,

佢話 :

見到個刨都 " 驚驚 "

材料 :

蘿蔔 3 - 4斤           粘米粉  300g

臘腸  2 條        粟粉  60g

蝦米  適量         胡椒粉  適量

瑤柱  適量          雞粉  1茶匙半

薑  一大片            鹽   1茶匙

瑤柱水加蘿蔔水  2 杯半

爆香瑤柱 .蝦米 .臘腸

爆香薑加入蘿蔔 ,瑤柱水同煮至熟透 ,將薑拿走

加入雞粉 .胡椒粉 .鹽調味

加入己爆香的材料拌勻

將粘米粉 ,粟粉先混合分次篩入蘿蔔中 ,每次都要完全拌勻

倒入 8 吋糕盆中 ,大火蒸 1 小時至熟透
呢兩底特別加料 : 金華火腿蘿蔔糕