冰鎮話梅涼瓜

係兩星期前睇有線最後一集 " 肥媽當家 " ,

肥媽教整呢個冰鎮話梅涼瓜 ,

好似好正咁 ,

星期一去街市見有長身涼瓜賣 ,

於是買左三個細既返黎整 ,

肥媽係電視教人浸一日就食得 ,

我浸一日夾左幾條黎食 d 涼瓜仲有少少苦 ,

浸多日食果然好爽脆同入晒味 ,

酸酸甜甜咁仲一 d 都唔苦添 ,

大家有興趣整嗎 ?

肥媽話糖水一定要夠甜 d 涼瓜先唔苦 ,

以下係我自己既份量 ,

大家唔好以為落咁多糖實會好甜 ,

因為話梅都好咸架 !

材料 :

涼瓜 2 - 3 個 ,話梅 20 粒 ,冰糖約200g ,

水浸過涼瓜面即可 .

做法 :

1. 先將話梅 ,冰糖加水用中少火煮至糖溶解熄火 ,放涼 .

2. 涼瓜開邊刮去子及白色部份 ,沖洗乾淨沫乾 ,切厚條放入話梅水中放雪櫃雪1-2 日