天然酵母+鮮酵母麵包



我真係懵上腦囉 !

學人養天然酵母 d 資料又睇 d 唔睇 d ,

我都覺得有問題架喇 !

加左乳酪做雙酵個活躍度應該好強先啱架,

冇理由餵完粉等左 5 個鐘都係升左 1 倍咁少 .

好在即到向 blog 友請教 ,

再諗起應該係我第一次拎左 200g 黎用 ,

餵果陣比少左份量用左 50g 粉 50g 酵液餓壞左喇 .

尋日拎黎倒左一半再餵粉先活躍番咋 !

今晚搓定個麵糰低温發酵先 .

咁我又諗倒出黎果 d 雖然唔夠活躍啫 ,

但係掉左我又唔捨得喎 !

不如試吓加少少鮮酵母黎搓包喇 ,

好在個包焗完出黎又唔差喎 ~

隔左夜都一樣咁軟熟 .