如意吉祥花燈

本來諗住今年唔整利是封燈籠架 !

不過今年冇出去睇煙花 ,

食完晚飯之後見仲早 ,

所以就手痕拎 d 利是封黎整番 2 個 .

預備 8 個長 ,32 個普通 size 既利是封 ,2 條吊絮 ,2 條紅繩

先做好頂及底部 :

將 32 個普通 size 既利是封依步驟 1 - 9 摺好 .

頂蓋第二層 :

將 16 個利是封圍圈放好 ,

每一個用釘書機在邊位釘實 .

返轉底部在相同位置釘好 .

將另外 16 個利是封分成每 8 個一份釘好 ,

一份做頂 ,一份做底 .

底托 :

將吊絮繩頭打結 ,

釘在其中一個利是封的中心位置 ,

再貼上膠紙 ,

再將開口位用釘書機釘好 .

頂蓋第一層 :

將一條紅繩頭尾打結 ,

釘在 8 個利是封的均等位置 ,

結頭要在釘的另一邊 ,

再貼上膠紙 ,

再將開口位用釘書機釘好 .

做身 :

8 個長利是封在邊位釘好 ( 步驟 3 同 4 倒轉左 )

將身的底部份放在底托上 ,

吊絮部份向下 ,

只須放入少少能用釘釘實即可 ,

釘時要留意身與底托是否平衡放好 .

將頂蓋第二層放在身的頂部 ,

每隔 2 個頂蓋的利是封放入一個身部份的利是封的連接位中 ,

只須放入少少能用釘釘實即可 .

再放上頂蓋第一層 ,

將第二層推貼第一層 ,

用釘釘好 ,

此部份比較難釘 .